ముళ్ళకంపలు - కొనసాగింపు

13.              వార్తా పత్రికలనిశము
                   కీర్తించగవలెను "దొరల" 'కిమ్మ'నకుండా!!
                  స్ఫూర్తిం దోషములెంచిన
                  ఆర్తిం బొందెదరు గాక నభిఘాతులచే!!

13.            రాజ్యాంగము కొందరికిన్
                పూజ్యము, కొందరికి "పరమ పూజ్యము" కాగా
                భోజ్యము మొదలికి, రెంటకు
                త్యాజ్యంబయి వరలు నేటి తరుణమునందున్!!

14.           రంజన చెడి రైతులకున్
                బంజరులను పంచుటొక్క "బాగోతంబై"
                కుంజరనిభ భూస్వాముల
                పంజరమున చిక్కి "శల్య పంజర"మయ్యెన్!

15.          అరువది నాలుగు కళలం
               దరుదౌ "సుఖ జీవనంబు" నద్భుత కళగా
               పరిపోషింతురు "నేతలు"
               పరిపూర్ణ "కళావతంస" పండితులగుటన్!!