ముళ్ళకంపలు

1. శ్రీ భాగ్య శాలురకు, మి
   థ్యా బాబా, మౌని, యోగి, దైవఙ్ఞులకున్
   ప్రాభవము పంచి పెంచిన
   మా భారత మాత సాటి మహిలో గలదే!
2.  కందము పద్యములన్నిట
   నందముగా నుండునన్న యార్యోక్తికి, నే
   స్పందించి వ్రాయ బూనితి
   కందములన్ వ్యంగ్య, హాస్య కౌశలమొప్పన్!
3. బూతుల పలుకగ నొల్లను,
   నీతులు చెప్పేటి విద్య నేర్వను, కానీ
   యాతాయాత సమాజపు
   రీతుల నుడివెదను బుద్ధి రెక్కొను భంగిన్!!
4. రహదారి విడిచి నడిచిన
   గహనములో గ్రుచ్చు "ముళ్ళ కంపల"టంచున్
   ఇహ మందున జీవించే
   సహవాసుల హెచ్చరింతు సవినయముగనే !!